វគ្គផ្សព្វផ្សាយអប់រំស្ដីពី ''សុវត្ថិភាពទេសន្តរប្រវេសន៍" តាមបណ្តាភូមិ របស់មូលដ្ឋានស្រុកកំរៀង

ក្រុមការងារមណ្ឌលទួលពលករកំរៀង ក្រោមកិច្ចសម្របសម្រួលពីលោកអភិបាលស្រុក លោកលោកស្រីមេភូមិ និងអនុភូមិ បានចុះបើកវគ្គផ្សព្វផ្សាយអប់រំស្ដីពី ''សុវត្ថិភាពទេសន្តរប្រវេសន៍'' នៅបណ្តាភូមិ របស់មូលដ្ឋានស្រុកកំរៀង ខេត្តបាត់ដំបង
29-Dec-2021

ពិធីសម្ពោធដាក់ឲ្យប្រើប្រាស់ មណ្ឌលទទួលពលករកំរៀង ព្រមទាំងសមិទ្ធផលនានាក្នុងមណ្ឌល ដែលមានទីតាំងស្ថិតនៅក្នុង ភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបង ក្រោមអធិបតីភាពសម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.ប.ជ

ការបង្កើតមណ្ឌលទទួលពលករនេះ ក្នុងគោលបំណងដើម្បីប្រើប្រាស់ជាមណ្ឌលព័ត៌មាន សម្រាប់ពលករដែលមានបំណងធ្វើទេសន្តរប្រវេសន៍ ជាមណ្ឌលប្រមូលព័ត៌មានអំពីជនរងគ្រោះ ជាទីតាំងផ្តល់នូវសេវាសង្គ្រោះបឋមដល់ជនរងគ្រោះដោយអំពើជួញដូរមនុស្ស និងជាកន្លែងអភិវឌ្ឍសមត្ថភាពមន្ត្រី ពាក់ព័ន្ធផងដែរ។
11-Jan-2022

កិច្ចប្រជុំ ឆ្លងរបាយការណ៍១០ខែ ស្តីពី "ការងារប្រយុទ្ធប្រឆាំងអំពើជួញដូរមនុស្ស ឆ្នាំ២០២១" តាមរយៈវីដេអូអនឡាញ (ហ្សូម) របស់គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស

កិច្ចប្រជុំពិភាក្សារបាយការណ៍ថ្នាក់ជាតិ ស្តីពីការងារប្រយុទ្ធប្រឆាំងអំពើជួញដូរមនុស្សរយៈពេល១០ខែនេះ ពិតជាមានសារៈសំខាន់បានឆ្លុះបញ្ចាំងអំពីយុទ្ធសាស្រ្តទាំង៤ របស់គ.ជ.ប.ជ មានកិច្ចការងារបង្ការទប់ស្កាត់ អនុវត្តច្បាប់ យុត្តិធម៌ សហប្រតិបត្តិការជាអន្តរជាតិ និងកិច្ចសហការគ្នារវាងក្រសួង ស្ថាប័ន អង្គភាពសមាជិកនៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស រួមទាំងលេខាធិការដ្ឋាន នៃគណៈកម្មាធិកាថ្នាក់ក្រោមជាតិ (គ.រ.ប.ជ/គ.ខ.ប.ជ) និងអង្គការដៃគូរទាំងឡាយ ដែលមានសកម្មភាព និងគោលដៅរួម
07-Dec-2021

គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស បានចុះកិច្ចព្រមព្រៀងជាមួយអង្គការមូលនីធិហាហ្គាកម្ពុជា លើកិច្ចសហការការងារប្រយុទ្ធប្រឆាំងអំពើជួញដូរមនុស្ស

ពិធីចុះកិច្ចព្រមព្រៀងអំពីកិច្ចសហការគ្នា ស្តីពីការផ្លាស់ប្តូរឥរិយាបថបុគ្គលនិងសហគមន៍ដើម្បីលើកកម្ពស់សុវត្ថភាពជនរងគ្រោះ និងជនងាយរងគ្រោះដោយ អំពើជួញដូរមនុស្ស រវាងគណៈកម្មាធិការជាតិប្រយុទ្ធ ប្រឆាំងអំពើជួញដូរមនុស្ស ជាមួយអង្គការមូលនិធិហាហ្គាអន្តរជាតិ នារសៀលថ្ងៃទី១៥ ខែវិច្ឆិកា ឆ្នាំ២០២១
15-Nov-2021

អគ្គលេខាធិការដ្ឋានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស បានផ្ញើសារលិខិតចូលរួមរំលែកទុក្ខ ដល់ក្រុមគ្រួសារ ឯកឧត្តម កិត្តិនីតិកោសលបណ្ឌិត ងួន ញិល អនុប្រធានទី១រដ្ឋសភាជាតិកម្ពុជា

មរណៈភាពរបស់ ឯកឧត្តម គតិនីតិកោសលបណ្ឌិត ងួន ញិល គឺជាការបាត់បង់ដ៏ធំធេង នូវបិតា ជីតា និងជីទួតជាទីគោរពស្រលាញ់ ដែលប្រកបដោយព្រហ្មវិហារធម៌ បុត្រា បុត្រីព្រមទាំងចៅៗជាទីស្រលាញ់ ក៏ដូចជាការបាត់បង់អ្នកដឹកនាំដ៏ល្អដែលជាឥស្សរជនដ៏ឆ្នើមមួយរូប របស់ប្រជាជនខ្មែរដែលបានលះបង់កម្លាំងកាយចិត្ត និងប្រាជ្ញាស្មារតី ដើម្បីបម្រើមាតុភូមិកម្ពុជារៀងរហូតមក ។ ឯកឧត្តម គតិនីតិកោសលបណ្ឌិត បានទទួលមរណៈភាពកាលពីថ្ងៃសុត្រ ១កើត ខែកត្តិក ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០៥ ខែវិច្ឆិកា ឆ្នាំ២០២១ ក្នុងជន្មាយុ៧៩ ឆ្នាំ ដោយរោគាពាធ ។
05-Nov-2021

កិច្ចប្រជុំពិគ្រោះយោបល់ថ្នាក់ជាតិស្តីពីការជ្រើសរើស ពលករប្រកបដោយយុត្តិធម៌ និងក្រមសីលធម៌ រវាងច្រកទេសន្តរប្រវេសន៍ការងារពីប្រទេសកម្ពុជាទៅប្រទេសថៃ

ការពិគ្រោះយោបល់ថ្នាក់ជាតិនេះ ជាវេទិកាមួយសម្រាប់ តំណាងរដ្ឋាភិបាល ដៃគូអភិវឌ្ឍន៍ និយោជក អ្នកជ្រើសរើសការងារ និងសមាគមរបស់ខ្លួន សង្គមស៊ីវិល និងអង្គការពាក់ព័ន្ធការងារពលករ និងកម្មករ ដើម្បីចូលរួម កិច្ចសន្ទនាស្តីពីការជំរុញការប្តេជ្ញាចិត្តរបស់រាជរដ្ឋាភិបាលកម្ពុជា និងការប្តេជ្ញាចិត្តរបស់វិស័យឯកជន ទាក់ទងនឹងការជ្រើសរើស ពលករចំណាកស្រុកកម្ពុជា
28-Oct-2021

កិច្ចប្រជុំស្តីវឌ្ឍនភាពការងារប្រយុទ្វប្រឆាំងអំពើជួញដូរមនុស្សជាមួយឯកអគ្គរដ្ឋទូតសហរដ្ឋអាមេរិក

នៅក្នុងកិច្ចប្រជុំនេះភាគីទាំងពីរ បានពិភាក្សាគ្នាជាច្រើនទាក់ទងនឹងការជួញដូរមនុស្ស ហើយនៅក្នុងកិច្ចប្រជុំនេះខាងទូតអាមេរិកប្រចាំនៅកម្ពុជា បានប្តេជ្ញាយ៉ាងម៉ុតមាំថា នឹងបន្តជួយកម្ពុជាជានិច្ច ជាពិសេសខិតខំធ្វើយ៉ាងណាជួយកម្ពុជាឲ្យរួចពីចំណាត់ថ្នាក់លេខពីរមកជាភាពល្អប្រសើ ទាក់ទងនឹងការឃ្លាំមើលលើការជួញដូរមនុស្សនៅកម្ពុជាពីសំណាក់រដ្ឋាភិបាលអាមេរិក
18-Oct-2021

អគ្គលេខាធិការដ្ឋាន នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ប្រកាសគាំទ្រចំពោះគំនិតផ្ដួចផ្ដើមប្រកបដោយឧត្ដមគតិស្នេហាជាតិដ៏ខ្ពង់ខ្ពស់ របស់សម្ដេចតេជោ ហ៊ុន សែន ក្នុងការធ្វើវិសោធនកម្មរដ្ឋធម្មនុញ្ញ និងច្បាប់ពាក់ព័ន្ធ ដើម្បីកំណត់ឲ្យថ្នាក់ដឹកនាំនៃស្ថាប័នកំពូលរបស់ជាតិ គឺនាយករដ្ឋមន្ត្រី ប្រធានព្រឹទ្ធសភា ប្រធានរដ្ឋសភា និងប្រធានក្រុមប្រឹក្សាធម្មនុញ្ញ ត្រូវមានសញ្ជាតិខ្មែរតែមួយគត់។

ការផ្តួតផ្តើមដ៏មានសារៈសំខាន់នេះ គឺបានតំកល់ផលប្រយោជន៍ជាតិជាធំ និងជាការទទួលខុសត្រូវចំពោះជោគវាសនាអនាគតប្រជាជន និងមាតុភូមិកម្ពុជា ដោយមិនរារែកចំពោះការដោះស្រាយបញ្ហាជាតិដើម្បីការពារឧត្តមប្រយោជន៍ជាតិ ដោយមិនអនុញ្ញាតឲ្យមានការជ្រៀតជ្រែកពីបរទេស ដែលនាំឱ្យមានការបែកបាក់សាមគ្គីភាព ឯកភាពផ្ទៃក្នុងរបស់ជាតិ និងនាំឱ្យប្រទេសជាតិជួបក្តីអន្តរាយជាថ្មីឡើយ។ វិសោធនកម្មនេះ ពិតជានាំមកនៅអធិបតេយ្យភាព ឯករាជ្យភាពពេញលេញជូនជាតិនិងធ្វើឱ្យពលករដ្ឋកម្ពុជាមានមោទនភាពចំពោះជាតិសាសន៍ខ្លួនកាន់តែខ្លាំងឡើង ។
10-Oct-2021

វគ្គបណ្តុះបណ្តាល ស្តីពីការកំណត់អត្តសញ្ញាណជនរងគ្រោះ ដោយអំពើជួញដូរមនុស្ស ជាមួយរដ្ឋបាលខេត្តសៀមរាប តាមប្រព័ន្ធវីដេអូអនឡាញ (ហ្សូម)

វគ្គនេះផងដែរ ធ្វើឡើងក្នុងគោលបំណង ដើម្បីឱ្យអ្នកមានភារកិច្ចកំណត់អត្តសញ្ញាណជនរងគ្រោះ យល់បានច្បាស់ពីនីតិវិធី និងអាចប្រើប្រាស់បែបបទដែលពាក់ព័ន្ធ ក្នុងដំណើរការនៃការកំណត់អត្តសញ្ញាណជនរងគ្រោះ យល់ដឹងអំពីច្បាប់ និងអាចសន្និដ្ឋានជាបឋមដោយភាពប្រាកដប្រជា ដើម្បីទទួលបានលទ្ធផលនិងព័ត៌មានត្រលប់ស្តីពី ការប្រើប្រាស់បទដ្ឋាននានា ភាពប្រឈម និងចំនុចខ្វះខាតនៃការណែនាំក្នុងការអនុវត្ត ដើម្បីកែលម្អ
28-Sep-2021

អបអរសាទរទិវាប្រកាសរដ្ឋធម្មនុញ្ញនៃព្រះរាជាណាចក្រកម្ពុជា ថ្ងៃទី២៤ ខែកញ្ញា ឆ្នាំ២០២១ នេះជាខួប ២៨ឆ្នាំ ដែលប្រទេសកម្ពុជាបានប្រកាសប្រើប្រាស់ជាផ្លូវការនូវរដ្ឋធម្មនុញ្ញ ដែលត្រូវបានអនុម័តជាឯកច្ឆន្ទ ដោយសភាធម្មនុញ្ញនៅឆ្នាំ១៩៩៣

រដ្ឋធម្មនុញ្ញ គឺជាច្បាប់កំពូលរបស់ជាតិ ក៏ជាបន្ទាត់ក្រឹត្យមួយសម្រាប់តម្រង់ទិសឲ្យប្រជាពលរដ្ឋកម្ពុជារស់នៅទៅតាមច្បាប់។ រដ្ឋធម្មនុញ្ញ គ្រប់គ្រង បញ្ហា អធិបតេយ្យភាព តួនាទី និង ឋានៈ របស់ ព្រះមហាក្សត្រ សិទ្ធិ ជាមូលដ្ឋាន របស់ ប្រជាពលរដ្ឋ ខ្មែរ សេដ្ឋកិច្ច ការអប់រំ វប្បធម៌ និង កិច្ចការ សង្គម ការប្រព្រឹត្តទៅ នៃរដ្ឋសភា ព្រឹទ្ធសភា សមាជ និងរាជរដ្ឋាភិបាល ការប្រព្រឹត្តទៅ នៃស្ថាប័ន តុលាការ ក្រុមប្រឹក្សាធម្មនុញ្ញ រដ្ឋបាល និងសភាជាតិ ។ មកទល់សព្វថ្ងៃនេះរដ្ឋធម្មនុញ្ញនៃព្រះរាជាណាចក្រកម្ពុជា មានអាយុកាល ២៨ឆ្នាំហើយ ហើយត្រូវបានកំណត់យកថ្ងៃទី២៤ ខែកញ្ញា រៀងរាល់ឆ្នាំ គឺជាថ្ងៃឈប់សម្រាក និងរំលឹកពីគុណូបក្ការៈ ស្នាដៃ កេរតំណែលរបស់ព្រះមហាក្សត្រ និងប្រមុខដឹកនាំរាជរដ្ឋាភិបាលកាលពីសម័យនោះ ក្រោយប្រទេសកម្ពុជាបានបញ្ចប់សង្រ្គាមដ៏រ៉ាំរៃជាច្រើនទសវត្សរ៍ និងក្រោយកិច្ចចរចាស្វែងរកសន្តិភាពទីក្រុងប៉ារីស ២៣ តុលា ១៩៩១ ។
24-Sep-2021

លោកជំទាវ ឧ.ឯក វេជ្ជ ប៉ុណ្ណ សំខាន់ អគ្គលេខាធិការ អគ្គលេខាធិការដ្ឋាន គ.ជ.ប.ជ រូមនិងក្រុមការងារបច្ចេកទេសសុខភាពជនទេសន្តរប្រវេសន៍ថ្នាក់ជាតិក្រសួងសុខាភិបាល តំណាងអង្គការអន្តរជាតិIOM តំណាងធនាគារអភិវឌ្ឍអាស៊ី ADB បានអញ្ជើញចុះប៉ាន់ប្រមាណតម្រូវការក្នុងការផ្តល់សេវាសុខភាពជនទេសន្តរប្រវេសន៍កម្ពុជាដែលបានត្រលប់មកវិញ

គោលបំណង នៃការចុះបេសកកម្មទៅខេត្តជាប់ព្រំដែនប្រទេសកម្ពុជានេះ គឺដើម្បីជួបពិភាក្សាការងារជាមួយថ្នាក់ដឹកនាំគ្រប់កន្លែងដែលបានធ្វើទស្សកិច្ចនិងជួបប្រជុំជាមួយ បានចាប់អារម្មណ៍និងបានយល់ឃើញថា៖ ក្នុងស្ថានភាពរាតត្បាតនៃមេរោគកូវីត១៩នេះមានពលករកម្ពុជាហូរចូលជាកំហុកមកពីប្រទេសថៃហើយអជ្ញាធរបានបង្កើតកន្លែងព្យាបាលកូវីត១៩ដែលមានគ្រែរហូតដល់១០០០គ្រែមណ្ឌលចត្តាឡីស័ក្ត។ មន្រ្តីច្រកព្រំដែនបានសហការល្អជាមួយមន្ទីរសុខាភិបាលនិងមន្ទីរពេទ្យនៅនឹងកន្លែងក្នុងការផ្តល់សេវាជូនជនទេសន្តរប្រវេសន៍ទាំងខ្មែរនិងបរទេសនៅពេលពួកគេមានបញ្ហាសុខភាព។ ករណីខ្លះសហការជាមួយថៃបញ្ជូនទៅទទួលសេវានៅថៃ។ ជំរុញការផ្តល់សេវាសុខាភិបាលជូនជនទេសន្តរប្រវេសន៍រួមទាំងការដឹកជញ្ជូនជនទេសន្តរប្រេវេសន៍ទៅដល់មូលដ្ឋានសហគមរបស់ពួកគាត់ក្នុងបរិបទកូវីតនេះមិនមានការបង់ថ្លៃទេ ការដឹកជញ្ជូននេះដោយរថយន្តយោធា។ មន្រ្តីផ្តល់សេវាពាក់ព័ន្ធនឹងកូវីត១៩ត្រូវបានបណ្តុះបណ្តាលដោយមន្ទីរសុខាភិបាលខេត្តដើម្បីមានបច្ចេកទេសសមស្របក្នុងការផ្តល់សេវា។ ផ្តល់ជូនមន្រ្តីសុខាភិបាលបន្ថែមទៀតនៅមណ្ឌលដែលទទួលជនទេសន្តរប្រវេសន៍ចូលមកច្រើន។
15-Sep-2021

ពិធីប្រកាសជាផ្លូវការគម្រោងប្រយុទ្ធប្រឆាំងអំពើជួញដូរមនុស្ស សុវត្ថិភាពទេសន្តរប្រវេសន៍ រយៈពេល៥ឆ្នាំ (២០២១-២០២៦) រវាងគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស និងទីភ្នាក់ងារជំនួយថវិការរបស់អាមេរិច(USAID)

កម្មវិធីប្រកាសជាផ្លូវការគម្រោងប្រយុទ្ធប្រឆាំងអំពើជួញដូរមនុស្ស សុវត្ថិភាពទេសន្តរប្រវេសន៍ រយៈពេល៥ឆ្នាំ (២០២១-២០២៦) អនុវត្តដោយអង្គការ វីនរ៉ក់អន្តរជាតិ ក្រោមមូលនិធិ របស់ទីភ្នាក់ងារជំនួយថវិការរបស់អាមេរិច(USAID) តាមប្រព័ន្ធវីដេអូអនឡាញ (ហ្សូម) ។ គម្រោងនេះនឹងត្រូវដាក់អនុវត្ត នៅក្នុងរាជធានីខេត្តគោលដៅចំនួន៨ មានរាជធានីភ្នំពេញ ព្រៃវែង កំពង់ចាម សៀមរាប បន្ទាយមានជ័យ បាត់ដំបង ព្រះសីហនុ កោះកុង ។
26-Aug-2021