ទីស្តីការក្រសួងមហាផ្ទៃ ៖ នៅព្រឹកថ្ងៃពុធ ០៧កើត ខែអស្សុជ ឆ្នាំរោង ឆស័ក ព.ស,២៥៦៨ ត្រូវនឹងថ្ងៃទី០៩ ខែតុលា ឆ្នាំ២០២៤ អគ្គលេខាធិការដ្ឋាន គ.ជ.ប.ជ បានបើកកិច្ចប្រជុំពិភាក្សាអំពី " នីតិវិធីក្នុងការដោះស្រាយបញ្ហា ពពោះជំនួសដើម្បីជួញដូរទារក" ដែលបានធ្វើឡើងដោយជនបរទេសនៅលើទឹកដី នៃព្រះរាជាណាចក្រកម្ពុជាដោយមានការអញ្ជើញចូលរួមពីឯកឧត្តម ញឹក វណ្ណារ៉ា រដ្ឋលេខាធិការក្រសួងសង្គមកិច្ច ឯកឧត្តម លោកជំទាវ មកពីក្រសួងស្ថាប័ន ជំនាញពាក់ព័ន្ធ មានក្រសួងយុត្តិធម៌ ស្ថាប័នតុលាការ អគ្គស្នងការដ្ឋាននគរបាលជាតិ និងថ្នាក់ដឹកនាំរបស់អគ្គលេខាធិការដ្ឋាន គ.ជ.ប.ជ មានសមាសភាពសរុបចំនួន ២៩រូប ស្រី០៧រូប ។