វគ្គបណ្តុះបណ្តាល ស្តីពីការកំណត់អត្តសញ្ញាណជនរងគ្រោះ ដោយអំពើជួញដូរមនុស្ស ជាមួយរដ្ឋបាលខេត្តសៀមរាប តាមប្រព័ន្ធវីដេអូអនឡាញ (ហ្សូម)

BY SOM SIVWIN

Published on 28 Sep, 2021

ថ្ងៃទី២៧-២៨ ខែកញ្ញា ឆ្នាំ២០២១ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ បានអញ្ជើញជាអធិបតីភាពថ្លែងសុន្ទរកថាបើក វគ្គបណ្តុះបណ្តាល ស្តីពីការកំណត់អត្តសញ្ញាណជនរងគ្រោះ ដោយអំពើជួញដូរមនុស្ស ជាមួយរដ្ឋបាលខេត្តសៀមរាប តាមប្រព័ន្ធវីដេអូអនឡាញ (ហ្សូម) ។ វគ្គនេះមានការអញ្ជើញចូលរួមពី លោកជំទាវ ឧ.ឯក វេជ្ជ. ប៉ុណ្ណ សំខាន់​ អគ្គលេខាធិការ នៃអគ្គលេខាធិការដ្ឋាន គ.ជ.ប.ជលោកស្រីអភិបាលរងខេត្ត និងជាអនុប្រធានអចិន្រ្តៃយ៍គ.ខ.ប.ជ  សៀមរាប តំណាងស្ថាប័នយុត្តិធម៌ មានព្រះរាជអាជ្ញារងខេត្តជាគណៈអធិបតីអង្គពិធី ឯកឧត្តម លោកជំទាវ ជាអគ្គលេខាធិការរង របស់អគ្គលេខាធិការដ្ឋាន គ.ជ.ប.ជ លោកប្រធាន និងអនុប្រធាននៃក្រុមជំនួយកិច្ចការទំាង៦ មន្រ្តីរបស់លេខាធិការដ្ឋាន  (ហើយក៏ជាគ្រូឧទ្ទេសក្នុងវគ្គបណ្តុះបណ្តាលនេះផងដែរ) និងមានការអញ្ជើញចូលរួមជាសិក្ខាកាម លោកស្រីស្នងការរង នៃស្នងការដ្ឋានខេត្តសៀមរាប មេបញ្ជាការរងកងរាជអាវុធហត្ថខេត្ត តំណាងពីមន្ទីរសង្គមកិច្ច កិច្ចការនារី មន្ទីរការងារមន្រ្តីរដ្ឋបាលសាលាខេត្ត ក្រុមការងារគ.ខ.ប.ជ អាជ្ញាធរដែនដី មន្រ្តីរដ្ឋបាលស្រុក​ ប្រធានគ.ក.ស.ក  អភិបាលរងស្រុក អធិការរងស្រុក/ក្រុង កងរាជអាវុធហត្ថស្រុក មេឃុំ ប៉ូលីសតាមបណ្តាប៉ុស្តិ៍រដ្ឋបាល មន្រ្តីទទួលបន្ទុកកិច្ចការនារីឃុំ (អ.ក.ន.ក) មន្រ្តីបូកសរុបរបាយការណ៍ ក្រុង ស្រុក ជុំវិញខេត្តសៀមរាប អង្គការដៃគូរពាក់ព័ន្ធនានា។

វគ្គបណ្តុះបណ្តាលស្តីពីការកំណត់អត្តសញ្ញាណជនរងគ្រោះ មានគោលដៅជំរុញអនុវត្តគោលការណ៍ស្តីពីបែបបទ និងនីតិវិធីនៃការកំណត់អត្តសញ្ញាណជនរងគ្រោះដោយអំពើជួញដូរមនុស្ស ដើម្បីផ្តល់សេវាសមស្រប ដែលប្រកាសដាក់ឲប្រើប្រាស់ពីថ្ងៃទី ១៥ ខែធ្នូ ឆ្នាំ២០១៥ ដើម្បីឱ្យជនរងគ្រោះទទួលបានសេវាបឋម ចាំបាច់ បន្ទាន់ និងអាចបន្តជួយគាំទ្រផ្តល់កិច្ចការពារ តាមរយៈសេវាបញ្ជូន ទៅគោលដៅផ្តល់សេវាជាក់លាក់ ។ វគ្គនេះផងដែរ ធ្វើឡើងក្នុងគោលបំណង ដើម្បីឱ្យអ្នកមានភារកិច្ចកំណត់អត្តសញ្ញាណជនរងគ្រោះ យល់បានច្បាស់ពីនីតិវិធី និងអាចប្រើប្រាស់បែបបទដែលពាក់ព័ន្ធ ក្នុងដំណើរការនៃការកំណត់អត្តសញ្ញាណជនរងគ្រោះ យល់ដឹងអំពីច្បាប់ និងអាចសន្និដ្ឋានជាបឋមដោយភាពប្រាកដប្រជា ដើម្បីទទួលបានលទ្ធផល​និងព័ត៌មានត្រលប់ស្តីពី ការប្រើប្រាស់បទដ្ឋាននានា ភាពប្រឈម និងចំនុចខ្វះខាតនៃការណែនាំក្នុងការអនុវត្ត ដើម្បីកែលម្អ ៕

 

 

 

 

 


   

Official Telegram NCCT Cambodia