គណ:កម្មាធិការជាតិប្រយុទ្ធប្រឆាំងអំពើជួញដូរមនុស្ស បានចូលរួមរំលែកទុក្ខដល់គ្រួសារនៃសព និង គោរពវិញ្ញាណខ័ន្ធដល់ឯកឧត្តម ស ថេង អនុរដ្ឋលេខាធិការក្រសួងសេដ្ឋកិច្ច និង ហិរញ្ញវត្ថុ ដឹកនាំដោយលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និង ជាអនុប្រធានអចិន្ត្រៃយ៍នៃ គ.ជ.ប.ជ

BY SOM SIVWIN

Published on 01 Aug, 2018

(អគ្គលេខាធិការដ្ឋាន គ.ជ.ប.ជ​)៖ ថ្ងៃ​ពុធ​ ៥រោចខែ​ ទុតិយាសាឍ ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី​ ០១ខែ​ សីហា​ ឆ្នាំ២០១៨  វេលាម៉ោង​ ៩ និង​ ៣០នាទី​ ព្រឹក​ គណ:កម្មាធិការជាតិប្រយុទ្ធប្រឆាំងអំពើជួញដូរមនុស្ស​ បានចូលរួមរំលែកទុក្ខដល់គ្រួសារនៃសព​  និង​ គោរពវិញ្ញាណក្ខ័ន្ធ​   ដល់ឯកឧត្តម​ ស​ ថេង​ អនុរដ្ឋលេខាធិការក្រសួងសេដ្ឋកិច្ច​ និង​ ហិរញ្ញវត្ថុ ដឹកនាំដោយលោកជំទាវ​ ជូ​ ប៊ុនអេង​ រដ្ឋលេខាធិការក្រសួងមហាផ្ទៃ​ និង​ ជាអនុប្រធានអចិន្ត្រៃយ៍​ នៃ​ គ.ជ.ប.ជ​ ។ អញ្ចើញចូលរួមក្នុងពិធីនេះដែរមាន​ ឯកឧត្តម​ លោកជំទាវ​ ជាអគ្គលេខារង​ ប្រធាន​ អនុប្រធានក្រុមជំនួយកិច្ចការ​ ប្រធាន​ អនុប្រធានលេខាធិការដ្ឋានរដ្ឋបាល​។

តាងនាមអគ្គលេខាធិការដ្ឋាន គណៈកម្មាធិការជាតិប្រយុទ្ធប្រឆាំងការជួញដូរមនុស្ស សូមសំដែងនូវការសោកស្តាយ និងចូលរួមរំលែកទុក្ខ ដ៏ក្រៀមក្រំបំផុតចំពោះក្រុមគ្រួសារឯកឧត្តម ស ថេង អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុដែលទទួលមរណភាព ដោយរោគាពាធ ក្នុងជន្មាយុ៦៦ឆ្នាំ កាលពីថ្ងៃអាទិត្យ ២រោច ខែទុតិយាសាឍ ឆ្នាំច ព.ស២៥៦២ ត្រូវនឹងថ្ងៃទី២៩ ខែកក្កដា ឆ្នាំ២០១៨ វេលាម៉ោង១០:៣៩ នាទី។ ការបាត់បង់រូប ឯកឧត្តមប្រៀបដូចជាបាត់បង់កុលបុត្រខ្មែរដ៏ឆ្នើម ដែលមួយជីវិតរបស់ឯកឧត្តម បានលះបង់កម្លាំងកាយចិត្ត ក្នុងការរួមចំណែកកសាងជាតិមាតុភូមិ ពិសេសឯកឧត្តមបានគាំទ្រយ៉ាងសកម្មនូវគោលនយោបាយ របស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោរ ហ៊ុន សែន នាយករដ្ឋមន្រ្តីនៃព្រះរាជាណាចក្រ ជាប្រមុខដឹកនាំរហូតអវសានជីវិត។

 

 


  

រក្សាសិទ្ធគ្រប់យ៉ាង© ២០១៧

គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស